BARAKAZİ XUERTON DIR OME TÊHET

Reisê Belediyaya Çoligi Yücel Barakazi xuerton dır ome têhet u qê xızmetonê Belediya malumat da. Reis, çarçiwayê ‘pêvinayışê şar’ dı mısafırxoneyê Belediya dı xuerton dır ome yoca. Barakazi gueş na taleb u tenkidonê xuerton ser u cewab da yın.

Reis program dı ina va: “Xızmeti ki qê Çolig a beni, ma ını xısus dı qıymet doni fıkrê xuerton. Belediyaya Çoligi fealiyetonê kultıri dı u sobina fealiyeton dı qê xuerton çı ki dest ra bıyero aye kena. Ma pê xuerti ma ki alaqayê yın spori dı esta, ma pê Quluba Yaşamspor u qursê Muay Thai yın ri rahar kerd a. Xuerti ma ki alaqayê yın tiyatro u nuştueği dı esta ma pê Projeya Atolyeya Huner yın ri zi rahar kerd a. Ma desteg doni Quluba Bingölspor u qulubonê amatorun. Ma qê xuerton zi çarçiwayê belediyaya sosyal dı qursi kerdi a u xuerti ma ki hişê yın dı ticaret esta ma qê yın pê destegê KOSGEB qursi kerdi a. Ma bunyeya Belediyaya Çoligi dı qê xuerton piyêrê fealiyeton u qurson dı ca geni u desteg doni xuerton.”

Projeyi ki qêdiyê

Barakazi, projeyi ki qediyayi derheqê inon dı zi qal kerd u ina va: “Ma zerrê 4 serron dı projeyi “cayê ruetışê heywonon, cayê muwaqat ê weyıkerdışê heywonon, çarşuyê huner ê ciniyon, 7 hebi parqi, 10 hebi saloni spor, tesisê sterilizasyonê tıbbi, 77 hebi dıngê otobuson, xebati ğazê tabii, xebati peyzaj, xebati bınê erdi, terminal, pırdi muwaqati ê wesayiton u pêyarayiron, projeya e-belediya, projeya emniyetê awk, projeya bajarê bêmani, xebati serviyer kerdi temom u ma Projeya Pırdê Cebexcur, Projeya Kıtabxoneyê Semt, Projeya Pırdê Wali Kurtuluş Şişmantürk u Projeya Binayê Bêxısusiyon qêdinê u viyernayi fealiyet.”

 “Piyêrê wexton ra hina zaf ma cayi zerguni vıraşti”

Barakazi va ma ehemiyet doni cayonê zergunon u ina dewom kerd, “Serra 2014 ra nat hetani ına ruec ma 42 henzar qarametre ser 8 hebi parqi vıraşti u ma Mehlaya Selaheddin Eyubi dı 52 henzar qaremetre erd ser parqa ‘kent parq’ vırazeni. Cayo zerguno ki ma rueca vêrin ra heta ınka vıraşto tarıxê belediya dı endêk ca nêvıraziyawo. Ma Mehlaya Musyon dı yona parq vırazeni u xebati ına parq dewom kena. Parqa DSİ ma dewır geni u dewırguretış ra pey ma parq vırazeni u fineni xızmet.

Projeyi ki vıraziyeni

Barakazi qali xu ina dewom kerdi: “Serra 2018 ra pey ma ıni projeyon vırazeni; Binaya Belediya, Meydonê Bajari, Projeya Xonêkultıri, Projeya Newekerdışê Bajari ê Afaton, Projeya Wadiyê Cebexcur, Projeya Sistemonê Enerjiyê Tic, Dewırguretışê Parqa DSİ, Projeya Çuep ra Enerji Hesılkerdış, Kıtabxoneyê Semt, Projeya Kentparq, Salona Spori ya Sergureti, Otoparqo Sergureti, Parqozafqatın, Comi, Binaya Bêmani fineni fealiyet. Ma pê ıni xızmeton qıymetê bajarê xu ziyedneni”.

Kombiyayış, pê person u cewabon qêdiya.

Anket

Yeni sitemizi beğendiniz mi ?

Evet
Hayır
Normal