BARAKAZİ XELAYA XU GURET

Reisê Belediyeya Çoligi Yücel Barakazi, çarçiwaya  “İdarekari Mehelli ê Serr” dı wesfa “Reisê Belediye ê Serr” qezenc kerd bi. Barakazi, xelaya xu destê Wezirê Tucarêt u Gumruk Bülent Tüfenkci ra guret

Merasimê xelaya İdarekaronê Mehelli ê Serr -7 o ki hetê Mecmuaya İdareyê Mehelli ê Anadolu ra tertib beno, Tesisonê Erciyes Kardan Adam dı vıraziya.

Merasimê xelayo ki 19 kategoriyon dı vıraziya bı, Wezirê Tucarêt u Gumruk Bülent Tüfenkci, Reisê Belediyeya Çoligi Yücel Barakazi u ciya cayonê Turkiye ra reisonê belediyeyon iştıraq kerd.

Tüfenkci merasim dı qısey kerd u va: “Tor hol idarekari mehelli zoni şar çıta wazeno u çıta paweno. Çı derdê kom bıbo verco şıno belediye. Derdê şar tımotım yeni veri belediye. Ma paşt doni idareyon mehelliyon. In qeydı dêstır xızmet reseno hemwelatiyon.

Tüfenkci qey Turkiye muhimiya serra 2017 ra behs kerd u va: “Turkiye imkononê xu semedê ıno şar şıxulna. Senaryoyi xırabi hemı wayiron dest dı mendi. Turkiye resa yo sistemo newı. Vera darbewo xayin Turkiye onci zi serra 2017 rê zıxm destpê kerd. Homa biyaro wêri serra 2018 bena hol zê 2017. Wa ço ıney ra şık nêker. Ma bawer keni serra 2018 dı hina zaf ten beno wayirê guri u faiz yeno war. Ma projeyonê muhimon dınya tetbiq keni. Dınya dı miyonê 10 projeyonê gırdon ra 6 hebi Turkiye dı vıraziyê u hê vıraziyên. Iney ra serra 2018 ra hiviya ma zaf a. Şıma zi şar rê xızmet rê dewom bıkerên.

Wezir Tüfenkci, bı Reisê Belediyeya Çoligi Yücel Barakazi, plaket da reisonê belediyeyon.

Barakazi: “ Ma semedê Çoligi xebıtiyên”

Reisê Belediyeya Çoligi Barakazi merasim ra pey yo beyanato nuşteyın da u va: “Projeyê etaba 2. ê bajar newekerdış u averberdışo ki Mehlaya Afaton dı tetbiq beno, xelayonê idareyê mehelli dı xelaya projeyê bajar newekerdış guret.

Barakazi semedê Çoligi muhimiya projeyê bajar newekerdış ra behs kerd u va: “Boni ki 1971 dı vıraziyê u hıni biyi xırabı ma yi şonê we u bononê neweyon vırazên. Zafiyê wayiron heqê muameleyê tapu dewır kerdış kerd temom. Ina çarçiwa dı destegê kira zi destpê kerd. Wext muameleyê dewır tapu temom bı, ma dest bı vıraştış keni. Rueja ki ma omê wezife, ma a ruej ra nat semedê Çoligi rê xızmet xebıtiyên. Ma qısmêkê projeyonê xu tetbiq kerd. Heto bin ra ma qey projeyonê binon zi tetbiq kerdış cehd keni. Ê ki keda yın merasimê xela dı esta, ez yın rê zerr ra teşekur kena. Ina xelaya ki ma pê nomeyê şar Çoligi gureta, qey hina zaf xızmet moral u motivasyonê ma zedinena..

Anket

Yeni sitemizi beğendiniz mi ?

Evet
Hayır
Normal