BARAKAZİ: “MA TIMOTIM ŞIMA HET Dʔ

Barakazi, mijdona temombiyayişê proses ê ihaleya Merkeza Heyat ê Seqeton da u va “Ma semedê bendonê fiziki u beşeri wedarnayiş u heyatê şıma hina rehetkerdış xebıtiyeni. Ma pa zerra xu, aqılê xu u quwetê xu tımotım şıma het dê.”

Belediyaya Çoligi, çarçiwaya 3 Konuno Verin Ruecê Seqeton dı semedê seqeton yo program tertib kerd.

Programo ki yo kafe dı vıraziya Waliyê Çoligi Kadir Ekinci u Xonıma yi Hatice Tuğba Ekinci, Reisê Belediya Yücel Barakazi u Xonıma cı Pervin Barakazi, Rektorê Universiteya Çoligi Prof. Dr. İbrahim Çapak, Mudırê Xebat u Xızmetê Sosyal ê Bajar Mehmet Emin Çakan, reison u azayonê dernegonê seqeton iştıraqê cı kerd.

Wali Ekinci, program dı qısey kerd u va “dewlet pê desteg u programonê xu, heyatê insononê seqeton kena rehet.”

Wali Ekinci: “Ma bendon hişa xu dı bıviyer”

Wali Ekinci hına qısey kerd: “Bê ınay ma zoni, way u bırayonê ma yê seqeton spor ra heta huner, tehsil ra heta siyaset her het dı hem qey bajarê ma hem zi qey welat zaf serfırazi qezenc kerdi. Ina çarçiwa dı wazen wa seqet bo wazen wa weş bo qey heme Çoligıjon xızmetkerdış ma ser deyn o. Inay ra, ıno wezifeyo ki ma newe destpê kerdo bı ıznê Homayi, heme way u bırayonê xu dır heta peyni ma ıno wezife ri dewom keni. Ma temsilkaronê dernegon ra va. Beno ki ma ra yo taleb niyero zi şıma ra rıcaya mı,  heme xebaton dı, heme projeyon dı ca bıgero u semedê bendonê seqetonê xu wedarnayiş paşt bıdên projeyon, ma qey ınay zaf beni şa. Eger Homa bıkero qısmet, ma ınkay ra pey, ziyaretonê xu yê piser u şexsi ri dewom keni. Derdonê şıma, şıma ra gueştarikerdış hedefê ma yo verin o. Eger ma aqılê xu dı bendon bıviyer, qet yo bendo ictimai nêmoneno. Ina çarçiwa dı ez suez dona şıma ki semedê safibiyayişê meselayonê şıma, her gom dı ma şıma het dı beni. 3 Konuno Verin Reucê Seqetonê Dınya bımbarık bo. Homa sıhet u weşi bıdo şıma hemın.”

Barakazi, “Ma tımotım way u bırayonê xu yê seqeton het dê”

Reis Barakazi, xızmeti ki bajar dı beni derheqê yin dı melumat da u tımotım seqeton het dı biyayişê Belediyaya Çolig ra behs kerd.

Barakazi, cayi ki tedı sıxletiya pêyayon esta ıni cayon dı 4 hezar u 200 metre rayirê seqeton vıraştış ard vir u va: “Ma 18 parqi xu semedê seqeton tertib kerdi. Ma grubi kay nayi ru, ma erdê cı kerd hol. Ma semedê heyatê seqeton rehetkerdış, 5 cayon dı, Parqa Kultur dı, Parqa Dörtyol dı, Rayirê universiteya Çolig dı, Mehlaya Karşıyaka dı u Acilê Niweşxoneyê Dewlet dı istasyoni şarj ê wesayitonê seqeton nayi ru. Heto bin ra zi ma destegê kira, çonqal, seeta dijitala qalker ekranın u wasıtayonê binon da seqetonê xu.”

 “İhaleya binaya Merkezê Heyat ê Seqeton vıraziya”

Barakazi hına qısey kerd: “Muameleyê ca teslimkerdış u muameleyê bini temom bi. Ma ın nızd ra muqawele imza keni. Homa biyar weri payizê serra 2019 dı inşaatê cı temom beno u bina kuwena xızmetê seqetonê ma. Projeyo ki ma mehlaya Karşıyaka dı u 1500 qaremetre ser vırazeni, tedı sınıfi bunderi, cayi spori, kıtabxane, saloni konferansi, parqa kaya bêengel, parqa wesayita bêengel, wadeyê melımon, wadeyê xu şılênayiş, wadeyê idare u teknik u kafeterya esti. Ma Belediyaya Çoligi tımotım cehd kerd ki ma şıma het dı bi u qey şıma xızmet bıkeri. Ina rueca muhim dı şıma het dı biyayiş mı zaf keno memnun. 3 Konuno Verin Reucê Seqetonê Dınya bımbarık bu. Ez hivi keno şıma serronê xu miyonê weşi u huzur dı bıviyarni.”

Anket

Yeni sitemizi beğendiniz mi ?

Evet
Hayır
Normal