AŞURE DİYA 3 HENZAR TENON

Belediyaya Çoligi, munasebetê aşma Muharemi ra aşure da 3 henzar tenon.

Mudirtiya Kultır u Gureyonê Sosyal ê Belediyaya Çoligi, çarçiwayê fealiyetonê aşma Muharemi dı Rayirê Genç sera verê Quleyê Seat dı aşure kerd vıla.

Hemwelatiyon zaf elaqa muet ına fealiyet. Waliyê Çoligi Ali Mantı, Reisê Belediya Yücel Barakazi u xonıma yı Pervin Barakazi iştiraqê fealiyet kerd u aşure da hemwelatiyon.

Barakazi, bad fealiyet qazetewonon dır qıseyi kerd u va, ma aşure da 3 henzar tenon.

Barakazi, qalkerdışê xu una qêdina, “Eyru ruecê aşure ya. Munasebetê ruecê aşure ra zaf hemwelatiyonê ma ruecı tepışto. Ma bı nomeyê belediyaya 3 henzar tenon ri aşure keni vıla. Ayın ki ruecı tepışto zerrê qafıkonê xu keni de u beni keyeyê xu, ayê ki fıtar i ita dı weni. Ma ına fealiyet qê virardışê Hezreti Huseyin vıraşta. Şıma zi zoni ki hetê Yezid u qumandanon Yezidi ra 10ê aşma Muharemi di biyi şehid. Ma zi pê ına wesile ya şehidi xu yad kerdi. Ma zê her serr, emser zi aşure keni vıla. Bı iznê Humay ma eyru ra tepiya zi dewom keni.”

Anket

Yeni sitemizi beğendiniz mi ?

Evet
Hayır
Normal