ARMAĞAN, TALEBEYON DI OMI YOCA

Nuştueğ-qezetewon Mustafa Armağan, çarçiwaya Projeyê Atolyeya Huner ê Belediyeya Çoligi dı omı bajar ma, konferans da talebeyon.

Belediyeya Çoligi, projeyê atolyeya hunero ki pê destegê DAP u hetê Mudırtiya Gureyonê Sosyal u   Kultur  vırazyeno, çarçiwaya ınê projeyi dı nuştueğ-qezetewon Mustafa Armağan u talebeyi ardi tihet.

Armağan, Merkezê Kulturê Genç, Liseya İmam Xetib ê Selahattin Eyyubi u Temsilkariya Bajarê Çoligi ê Weqfa Cıwaniya Türkiye (TÜGVA) dı cıwanon dı omı yoca. Armağan, muhimiya projeyonê kultur ser vındert.

Armağan va, “ Dora verina ez yeno Çolig, ez zaf şawo. Projeyê Atolyeya Hunero ki hetê Belediyeya Çoligi ra vıraziyeno mı derheqê cı dı zaf melumat gırot. Qursi ki derheqê nuştueği u tiyatro di biyi a u xebati ki semedê inon beni, mı guerı zaf muhimi. Xebati ki dewom keni lazımo inon ri hina zaf iştıraq bıbo u sehayonê kultur u huner dı melumat bızidiyo.”

Armağani weziyetê welati ra behs kerd u va, “Hadiseyi ki roconê peyinon dı beni, zerra ma veşneni. Bıxısusiyet Suriye dı, Iraq dı, Yemen dı u Filistin dı se beno, ma heme vineni. Verê çımonê dınya dı mıletêk qır bena. Dewleta işgali u kedwer İsrail, Filistinıcon kışena, dest nona erdonê inon ser. Çı zulım esto kena, dınya zi ıney seyr kena, ıni qetliomi hema newe nibeni, ın weziyet ziyedê 50 serro dewam keno.”

Armağan, semedê Bısılmonon muhimiya Qudusi ra behs kerd u va, Bısılmonon tarix dı zaf qimet da tiya, Qudus wextê Hz. Umeri dı bı erdê Bısılmonon.

Armağan va, “Tapuyi Qudusi Türkiye dı yê.  Arşivonê Osmaniyon ra tapuyi Qudusi veciyê. Tapuyi Qudusi hema zi ha ma dê, çunki ma İmparatorti yi. Dewleta ki 400 serr idare kerd ma warısê a dewlet ê.  Qeydo mewzu behs dı Abdulhamid Hani ser qeyd kerdı 30 hezar duenım arazi êseno. Qeydi tapuyi ki muecneni oca ayidê Filistinıcon o, hetê Türkiye ra teslime selahitkaronê Filistin biyi.”

Armağan, Qudus rê wayirti kerdışê Türkiye ser vındert u va; “Ma Qudus ri wayirti kerdışê muecneni hemeyê dınya.  Awrupa vona ez demokrat a, ez modern a, labelê dınya heme vinena merdımi Awrupa se serran ra nat Qudus dı seni merdımi kışeni u dızdi keni. Riyê Awrupayo gunin yona dor Qudus dı kot teber. Vera inan vengo tor berz Türkiye ra veciya.  In zi muecneno ki ma wayirtiya dawaya xu ya heq keni.”

Anket

Yeni sitemizi beğendiniz mi ?

Evet
Hayır
Normal