ARIKAN: “ÇIKES MEĞDUR NİBENO”

Reis Arıkan, derheqê bajarnewekerdış dı cewab da personê Wekilê HDP Aydemir u va; “Ma semedê rant nê, semedê xızmet xebıtiyeni. Hedefê ma yo tor pil bı şekle meğdur nibiyayişê wayironê heq, proje temomkerdış o.”

Reisê Belediyaya Çoligi Erdal Arıkan, cewab da eşkeraya Wekilê Çoligi ê HDP Erdal Aydemir. Eşkeraya Aydemir bı şeklê “Wa meğduriyetê wayironê heq biyero raviyarnayiş” medyaya mehelli dı ca guret bı.

 “Qet yo wayirê heq zi meğdur nibeno.”

Reis Arıkan ard vir ki projeye bajarnewekerdış hetê idareyê verin ra 5 etabon ser ihale bıbı u va; “Ma semedê têkı kêmasiyon safikerdış u bêkêmasi tetbiqbiyayişê proje cehıd keni.”

Reis Arıkan, projeyo ki 15 hektar ser vıraziyeno semedê ın proje heme alternatifon ser vındertış ra behs kerd u hına qısey kerd; “Ma semedê teminê ihtiyaciya mali u bêmesela destpê biyayişê proje heme çi keni. Ina çarçiwa dı mışoreyê ma Wezaretê Dormale u Bajari dır dewom keni. Wezaretê ma hol oniyeno ın gurı ra. Ma teferuatonê ın mışoreyi u projeyi rueconê verniya ma dı eşkera keni. Wa herkes ınay ra bawer bıkero ki proje bêmesela destpê keno u sarı dı wayiri heqi qet çıkes meğdur nibeno.”

 “Ma piya xebıtiyeni”

Arıkan, mewzu behs nibiyayişê bı temomi batalbiyayiş ya zi vındertışê proje ser vındert, piya xebat ri diqet ont u va; “Semedê meğdur nibiyayişê qet çıkesi u lezabez destpê biyayişê projeyi, Paştmirê Reisê ma Cevdet Yılmaz, Waliyê ma Kadir Ekinci u wekilê ma Feyzi Berdibek her het ra paşt doni. Ma hem wezareton het hem zi teşkilaton het teşebus dê. Ma pê desteg u hesasiyetê wayironê heq ın gurı keni safi. Wa qet çıkes şık nikero, ın cehd u ına xebat beraday nişına.”

 “Hedefê ma xızmet o”

Reis Arıkan vateyê “hedef xızmet nê rant o” bı şeklê bêşansi tarif kerd u va; “Cayo ki hetê idareyê verini ra ame bı raşayiş u ihaleya cı vıraziya bi ê cayi newekerdış, hetê ekonomi u sosyal ra bajarê ma averberdış, wayironê heq zi yo heyato bıqalite u hina hol resnayiş; ma qey ınay cehd keni. Hedefê ma yo tor pil bı şeklê wayironê heq meğdur nikerdış ın projeyo ki bajarê ma bedılneno tetbiqkerdış o. Ina çarçiwa dı sarı dı wayironê heqi ra, ma herkesi ra desteg u paşt wazeni.”

Anket

Yeni sitemizi beğendiniz mi ?

Evet
Hayır
Normal