ARIKAN, CEMİYETÊ QEZETEWONON ZİYARET KERD

Reisê Belediyaya Çoligi, Cemiyetê Qezetewonon ê Çoligi ziyaret kerd. Reis Arıkan, idareyo newe ê Cemiyeto ki Kongreya 3. ra pey seretiya Mahmut Arda dı omeyo wezife, wezifeyê yin xeyr kerd.

Cemiyetê Qezetewonon ê Çoligi ziyaretkerdışê Reisê Belediyaya Çoligi Erdal Arıkan dı, Reisê Derneg Mahmut Arda, Paştmiri Reisi Ömer Şanlı u Hakim Bayraktar u sekreter Ali Yıldırım şiyi Reis Arıkan vera.

Reis Arıkan, Reisê Cemiyetê Qezetewonon ê Çoligi Mahmut Arda u idareyo newe ê Cemiyet tebrik kerd.

4 hebi depoyê neweyi ê aw vıraziyeni

Reis Arıkan xebatonê Belediya ra behs kerd u va; “Semedê ihtiyacê awa weri ê şarıstonê ma viyarnayiş çımeyonê neweyon ser xebata ma dewom kena. Ma hem mıntıqayê Metan dı hem zi mıntıqayê Kuyê Karlıova dı tetkiki vıraşti. Ma semedê ihtiyaciya awa şarıstonê xu viyarnayiş xebıtiyeni. Tetkiko tekniki ra pey ma texmin keni ki ma eşkeni tiya ra saniye dı 300 litre aw xetê Kuruk ser keri. Ina çarçiwa dı DSİ u teşkilati bini xebıtiyeni. Heto bin ra ma şarıstonê xu dı 4 hebi depoyonê neweyon ê aw vırazeni.”

Plentê asfalt niyeno ru

Reis Arıkan pê runiyayişê Plent Asfalt hina lez caameyişê xebata servırazi ser vındert u hına qal kerd; “Ma çarçiwaya xebatonê servırazi dı rayironê xu keni newe. Ma xebati asfalta BSK, kerraya parkeya kılidın, pêyarayironê neweyon u xebati temir kerdi. Ma mehlayonê xu dı rayiron u pêyarayiron dı xebat kerd, ma rayiri asfalt kerdi. Ma ıni xebatonê xu ri serrna zi dewom keni. Rayiri ki riyê qazê tabii ra xerıpiyayi ma yi temir kerdi. Ma semedê awa şıli u qenalizasyon xebatêka muhim keni. Ma semedê asfalta xu hina hol, lez u bıqalite vıraştış plentê asfalt vırazeni. Ma plenta asfalt pê destegê Wezaretê Dormale u Bajari vırazeni u ma rayironê heme mehlayonê xu keni newe.”

Yo merkezo newe ê cıwani vıraziyeno

Reis Arıkan semedê yo merkezo newe ê cıwani vıraştış Wezaretê Cıwani u Spor dır piya xebıtyayiş ra behs kerd u va; “Wezaretê Cıwani u Spor suez da ma. Homa biyar weri ma nızd ra proje erzeni fealiyet. Projeyêko zaf hol o. Ez semedê destegêyi Wezirê Cıwani u Spor Dr. Mehmet Muharrem Kasapoğlu ri teşekur keno.”

Arıkan, guereyê ihtiyaci u bı şirkatiya hemwelati u teşkilatonê binon xebıtyayiş ser vındert u va; “Ma wazeni Çoligi semedê cuyayiş bıker şarıstonêko hol. Ina çarçiwa dı ma meselayonê dormale ra heta spor, rayironê neweyon ra heta parkon, bınvırazi ra heta servırazi, işğalê pêyarayiron ra heta vıraşteyonê qeçaxon, bajar newekerdış ra heta xebatonê huner u kultur her het ra xebatonê xu hemwelatiyonê u teşkilatonê binon dır piya keni u piya destê yobinan geni u xebıtiyeni u şarıstonê xu aver beni. Ma wazeni bı şeklo tor hol hemwelatiyonê xu ri xızmet bıker u ma qey ıney xebıtiyeni. Hedefê ma Çoligi yo şarıstono modern u hetê cuyayiş ra zi wayirê standardonê berzon kerdış o.”

Reisê Cemiyetê Qezetewonon ê Çoligi Mahmud Arda zi ziyaret ra memnuniyetê xu ifade kerd u Reisê Belediya Erdal Arıkan ri teşekur kerd.

Anket

Yeni sitemizi beğendiniz mi ?

Evet
Hayır
Normal