900 KİLOMETRE RAYİR VOR RA BI PAK

Belediyaya Çolig xebata vor pakkerdışi ri dewom kena. Belediya 900 kilometre rayir kerd pak. Ekibi ki pê usulê 24 saet xebıtiyeni tengasiya wesayiton u pêyayon viyarneni.

Guerê eşkeraya Koordinatoriya Medya u Munasebetê Şari ê Belediyaya Çolig, ekibi belediya şew u ruej xebıtiyeni. Ekibon heta ınka 900 kilometre rayir vor ra kerd pak.

Eşkera dı hına vaciya: “Xebati pê 5 greyderon, 6 kamyonon, 3 wesayitonê sualkerdış, 2 wesayitonê pêyarayir pakkerdış u 170 personeli dewom keni. Xebati şew u ruej dewom keni u pê ıni xebaton rayiri merkezê çarşu u mehlayon yeni pakkerdış.”

 “Verco rayiri gırdi beni pak”

Eşkeraya ki tede verco pakbiyayişê rayironê nêweşxone, mekteb u daireyonê resmiyon ra behs bı hına dewom kerd, “Vora ki sareyê hefteyi ra nat dewom kena ına vor ra pey verco rayiri nêweşxone omê pakkerdış. Semedê meğdur nêbiyayişê nêweşon verco rayir u kuçeyi nêweşxone biyi pak. Heto bin ra çarçiwaya ixbaronê 122 dı cayi ki nêweşi tede bi ê rayiri zi lezabez omê pakkerdış u ekibi sıhet resayi nêweşon. Kışta bin ra rayiri ki şıni mektebon u daireyonê resmiyon ê rayiri zi lezabez omê pakkerdış. Xebata vor pakkerdış rayiri ki tede sıxletiya trafiki esta ê rayiron dı dewom keni. Ini xebaton ra pey cadde u kuçeyi mehlayon zi yeni pakkerdış.”

“Vera vorqıleyon diqet bıkerên”

Eşkera dı vera vorqıleyon u cemed diqet kerdışê hemwelatiyon ra zi behs bı u hına vaciya, “Sare dı merkezê çarşu, heme cayê bajar dı lazımo hemwelatiyi ma vera çatiyon ra kotışê vorqıleyon u cemed diqet bıkeri. Lazımo heme hemwelatiyi vera tengasiyon hişariyon ri diqet bıkeri.”

Qey şoforon hişariya hesasiyet

Eşkeraya ki tede hesasiyetê şoforon ra zi behs bı hına temom bi, “Ekibi ma yi ki semedê vor pakkerdış xebıtiyeni bıxısusiyet merkezê çarşu dı riyê wesayitonê parkkerdeyon ra tengasi onceni. Lazımo wayiri heme wesayiton pê hesasiyet têbıgêri u wesayitonê xu cayonê munasıbon dı park bıkeri.”

Anket

Yeni sitemizi beğendiniz mi ?

Evet
Hayır
Normal