46 CAYON DI RESİMÊ ‘VERCO PÊYA’ NEQIŞ BI

Çolig dı kombiyayişê kritikê trafik ê 6 aşmonê verinon ê serra 2019 vıraziya. Kombiyayiş dı, 46 cayon dı vıraziyayişê resimê pêya u onciyayişê xetonê pêyayon ser omı vındertış.

İdareyo Xısusi ê Şarıston ê Walitiya Çolig dı seretiya Wali Kadir Ekinci dı kombiyayişê kritikê trafik ê 6 aşmonê verinon ê serra 2019 vıraziya. Reisê Belediya Erdal Arıkan, Paştmirê Wali Onur Yeniay, Mudırê Emniyet Metin Akay, Sereskerê Cenderme ê Şarıstoni Miralay Mevlüt Dirim, Wekilê Mudırê Tehsilê Milli ê şarıstoni Orhan Buğrahan, Sereyê Wadeyê Şofor u Otomobil ê Çoligi Ali Bayram, Mudırê Şubeyê Trafik Özcan Alıcı, Mudırê Merkezê Acil 112 Medeni Amil u personelonê teşkilatonê alaqadaron iştıraqê kombiyayiş kerd.

Wali Ekinci kombiyayiş dı 46 cayon dı neqışbiyayişê resimê ‘verco pêya’ ser vındert u hına qıseykerd; “Çolig dı emniyetê conê hemwelatiyonê ma u tertibe trafiki semedê ma zaf muhim i. Wezaretê ma serra 2019 pê sloganê ‘Trafik dı rayir ê pêyayon o’ semedê pêyayon ilon kerd, ma zi ınay ra pey dest bı xebat kerd. Çarçiwaya ıni xebaton dı 13 hebi verê mektebon dı 33 hebi zi rayirê pêyayon piser dı 46 cayon dı resimê ‘verco pêya’ omı neqışkerdış. Bê ınay zê tetbiqê plonê fealiyetê 100 ruec, fealiyeti melumatdayiş, teftişi normali, teftişi qayişê pawıtışi u lezi xebati zi biyi. Çarçiwaya xebaton dı 46 mektebon dı zerreyê 126 seeton dı dersa trafiqi diya 4829 talebeyon. Ey ki wesayitonê rayunon kırıştışi şıxulneni zerreyê serr dı bı tertib derheqê qeydeyonê trafik u bedılyayişê qanunon dı melumat diyayo yin. Heto bin ra ey ki wesayitonê resmiyon şıxulneni yin zi bunderi diya.

Anket

Yeni sitemizi beğendiniz mi ?

Evet
Hayır
Normal