36 PARSKERİ ŞIRAWİYAYİ TEBERÊ BAJARİ

36 parskeri ki operasyonê ekibonê zabıtayê Belediyaya Çoligi dı tepışiyayi, muameleyonê qanuniyon ra pey şırawiyayi teberê bajari.
 
Ekibonê Mudırtiya Zabıta ê Belediyaya Çoligi ê ki pê hisiyatê dini ê hemwelatiyon kaykeni u pars keni vera yin 2 rueci operasyon vıraşt.
 
Operasyon dı merkezê çarşu, verê camiyon u cayi ki tede sıxletiya wesayiton esta ıni cayon dı piser dı 36 teni ki hemwelatiyon ra pere wazeni tepışiyayi. Ekibon parskeri berdi Mudırtiya Zabıta u tiya dı çarçiwaya qanunê qebeheton dı sarê merdımi 153 lira ceza diya parskeron u dıma zi parskeri şırawiyayi teberê bajari.
 
Eşkeraya Koordinatoriya Medya u Munasebetê Şari ê Belediyaya Çoligi dı vaciya ki parskeri ki wazeni niyeta hol ê hemwelatiyon ra istıfadı bıkeri vera yin operasyoni dewom keni.
 
Eşkera dı hına vaciya; "Ê ki rapori sexteyi kerdi xu desta u pê zuron peron doni ari, lazım o hemwelatiyi ma pê yin bawer nêbıbi. Lazım o şarê ma ıno mewzu dı hişar bo u paşt bıdo wezifedaron. Ê ki wazeni pê neheqi pere qezenc bıkeri wa şarê ma derheqê yin dı melumat bıdo Mudırtiya Zabıtayê ma."

Anket

Yeni sitemizi beğendiniz mi ?

Evet
Hayır
Normal