23 PARSKERİ ŞIRAWİYAYİ TEBERÊ ŞARISTONİ

23 parskeri ki operasyonê ekibonê Zabıta dı tepışiyayi, muameleyê qanuni ra pey şırawiyayi teberê şarıstoni.
 
Mudırtiya Zabıta ê Belediyaya Çoligi, parskeri ki hisiyatê diniyê hemwelatiyon istismar keni vera yin operasyon vıraşt. Operasyon dı merkezê çarşu, verê camiyon u çatrayiri ki tede sıxletiya wesayiton esta tede 23 parskeri ki hemwelatiyon ra pere waştên tepışiyayi. Ekibon parskeri berdi Mudırtiya Zabıta; tiya dı çarçiwaya qanunê qebehet ê 5326 numreyin dı muameleyo qanuni bı, sareyê merdımi 153 lira cezaya pere diya cı u dıma zi parskeri şırawiyayi teberê şarıston.
 
Eşkeraya Koordinatoriya Medya u Munasebetê Şari ê Belediyaya Çoligi dı vaciya ki zerreyê yo hefteyi dı 37 parskeri tepışiyayi u şırawiyayi teberê şarıston.
 
Eşkeraya ki tede vaciya parskeri ki hesasiyetê şari ra xırabi ser istıfade keni vera yin operasyoni dewom keni hına qediya; "Merdımi ki destê yin dı raporo sexte ê sıheti esto u pê zuron hemwelatiyonê ma ra pere wazeni pê yin itibar mekerên. Wa şarê ma ın mewzu dı pê hesasiyet tibıgêro u desteg bıdo wezifedaronê ma. Merdımi ki wazeni pê neheqi pere qezenc bıkeri wa derheqê yin dı Mudırtiya Zabıtayê ma hayidar bıkeri."

Anket

Yeni sitemizi beğendiniz mi ?

Evet
Hayır
Normal