2 HEZAR KAMYON VOR KIRIŞİYA

Reisê Belediyaya Çoligi Yücel Barakazi va, çarçiwaya xebatonê vor pakkerdış dı 2 hezar kamyon vor kırışiya teberê bajar.

Reis Barakazi beyanat da qezetewonon u va xebatonê vor pakkerdış pê ğeyretêko pil dewom kerd; ıni xebaton dı 18 hezar vor kırışiya teberê bajar.

Barakazi hına qısey kerd: “Xebaton dı 5 greyderi, 10 wesayiti bar, 6 kamyoni,3 wesayiti sual kerdış, 2 wesayiti peyarayir pakkerdış u 200 personel xebıtiya. Ma emserr 2 hezar kamyon vor berd teberê bajar. Ina vor nızdiya 18 hezar toni bi.  Ina xebat ma ser 770 hezar lira bi mal. Ina xebat ma pê imkononê xu kerd. Wextê xebat dı teşkilatonê binon dır şirıkiyêka pil bi. Pê riyasetê Waliyê ma dewon dı xebati vor bi, heto bin ra ma semedê zerreyê bajar dı verniya kêmasiyon guretış tımotım pê koordinasyon xebıtiyayi. Ma xebata vor pakkerdış pê serfırazi viyarna. Maliyetê cı qet muhim niyo. Homayi ri şıkır imkoni ma esti ma qet yo tengasi nidi.”

Barakazi hına va: “Rueji ki vor zaf vara ma semedê kêmasiya wesayiton viyarnayiş wesayiti kırya kerdi. Ma kemçeyi u greyderi kırya kerdi. Ini muhim niyi, çiyo muhim pê kalite heyatê xu ri dewom kerdışê şarê ma yo, hemşeriyonê xu ri xızmetkerdış o. Qısımi ma, personeli ma u teşkilati bini ki ına xebat dı keda yin esta ez yin ri teşekur keno.”

Anket

Yeni sitemizi beğendiniz mi ?

Evet
Hayır
Normal