150 HEZAR NEBAT NİYA RU

Belediyaya Çoligi emserr 150 hezar nebat hesıl kerd u şarıston dı na ru. Belediya, guerê hewayê şarıstoni nebaton hesıl kena u pê ına xebata xu verniya itxalkerdışê vıl u daron zi gena.

Çarçiwaya xebatonê Mudırtiya Park u Baxçeyon ê Belediyaya Çoligi dı 150 hezar nebat u 5 hezar ley hesıl bı.

Nebati ki çatrayiron, refujon u cayonê zergunon dı niyayi ru şarıston kerd zê yo baxçeyê vılon.

 “Ma semedê Çoligêko hina zergun xebıtiyeni”

Mudırê Park u Baxçeyon ê Belediyaya Çoligi Volkan Aybek derheqê xebaton dı va; semedê ihtiyaciya şarıstoni raviyarnayiş sera dı hesılê nebat u leyon dewom keno.

Aybek, pê sloganê ‘Çoligêko hina zergun’ xebıtyayiş ra behs kerd u hına qısey kerd; “Ma guerê hewayê şarıstonê xu vıl, nebat u leyon serayonê xu dı hesıl keni u yin noni ru. Ma emser 150 hezar nebat hesıl kerd u Viyaduka Cebexçur, refujon, çatrayiron u cayonê zergunon dı na ru. Hesılê 5 hezar ley zi dewom keno. Ma yin zi noni ru.”

Aybek va; “pê destê Belediya hesılbiyayişê vıl, dar u nebaton beno sebebê butçeya Belediya ra tesarufi. Ma ın qeyde verniya teber ra nebat guretış geni. Homa biyar weri ma peyniya xebatonê xu dı hıni nebaton rueşeni şarıstononê binon.”

 “Ma parkonê xu mıhafızı bıker”

Aybek, parkon u cayonê zergunon dı xebata weti u temir ra behs kerd u zırar parkon dayiş ser zi vındert.

Aybek va; “Parki malê herkesi yi, gereka hetê herkesi ra biyeri pawıtış. Têkı talxesar u bêfomi zırar doni parkon labelê ma pê ekibonê mobilon parkonê şarıstonê xu temir keni. Hemwelatiyi ma yi ki ıni cayon mıhafızı keni ez yin ri teşekur keno.”

Anket

Yeni sitemizi beğendiniz mi ?

Evet
Hayır
Normal