“MA QÊ ŞIMA XEBITİYÊN”

Reisê Belediye Yücel Barakazi, temsilkaronê dernegonê seqeton dır omı yoca. Barakazi kombiyayiş dı va, “Ma qê way u bırayonê xu yê seqeton 4 hezar kilometre rayiro bı şerito zerd vıraşt. 5 cayon dı qê wesayitonê seqeton istasyonê şarj vıraşt. Ma piyêr piya xebıtiyên u problemonê şıma keni safi.”

Reisê Belediye Yücel Barakazi, temsilkaronê dernegonê seqeton ê Çoligi dı omı yoca u yin dır istişare kerd.

Kombiyayiş mısafırxoneyê Mudırtiyê Karonê Sosyal u Kultır dı vıraziya. Barakazi ita dı derheqê xızmetonê belediye dı melumat da.

Barakazi projeyi ki qê seqeton dı vıraziyê derheqê inon dı melumat da u va, ma her cayê çarşu dı rayiro zerd vıraşt.

Barakazi kombiyayiş dı va; “Ma wext rayir u verarayir vıraşti, ma qê seqeton rayiro zerd vıraşt. Ma qayil her cayê şarıston dı ıni rayiri bıbi u qê ıni zi ma xebıtiyên.”

Barakazi kombiyayiş dı va, “Ê ki wesayitê yin bıbi, qê inon şarjê aku zaf problem bı. Qê ıno problem wertı ra wedarnayiş, ma 5 istasyoni şarj vıraşti. Ma ıni istasyoni şarj, rayirê Parkê Kultır, Parkê Dörtyol, Universiteya Çoligi, Mudırtiya Spor u Xızmetonê Xuerton u servisa lez ê nêweşxoneyê dewlet ser dı nayi ru. Ini istasyonon dı 3 wesayiti têdır şarj beni. İstasyononê şarj dı internet zi esta u ço eşkeno gueş muzik sern u video seyr bıker.   

 “Ma qê şıma binayêk vırazên”

Barakazi va, “Ma Ajansa Averi ê Fırat ra desteg guret u ma qê şıma binayêk vırazên. Ina bina 500 metrekare ser vıraziyena. Bina 5 qat a, zerreyê bina dı zê salonê spor, cayê tedrisat u salonê konferans zaf çi ca geno. Ma qê rehatiya heyatê şıma xebıtiyên. Ma dest ra çıta biyer ma teqsir pê nêkeni. Ma dor bı dor şıma dır yeni yoca u çı problemi şıma esti ma qê safikerdışê inon xebıtiyên.”

Anket

Yeni sitemizi beğendiniz mi ?

Evet
Hayır
Normal