HEMBERİYA 23 NİSON DI XELAYA ZERD DİYENA

Belediyaya Çoligi, çarçiwaya 100 seserra roniyayişê Mecliso Pilê Şar ê Tırkiya dı semedê qıcon hemberiya şiir u resim vırazena.

Belediyaya Çoligi, çarçiwaya 23 Nison Rueşonê Qıcon u Hakimiyetê Şar dı semedê qıcon hemberiya şiir u resim vırazena. Qıci ki riyê virusê korona ra nêeşkeni ıno rueşon dı keyeyonê xu ra veci teber pê ına hemberi beni şa.

Ê ki bıkuweri derece xela geni

Talebeyi mektebo verin u mektebo miyanin eşkeni muracatê hemberiya şiir u resim bıkeri. Talebeyi ki bıkuweri derece, xelaya nimzerd u çeyrek zerd qezenc keni. Xebati ki çarçiwaya hemberi dı bıbi pê mesajon şırawiyeni hesabonê medyaya sosyal ê Belediyaya Çoligi.

Hemberi 23 Nison ruec Paşeme seet 20.00 dı qediyena; neticeyê hemberi 24 Nison ruec Yene seet 20.20 dı hesabonê medyaya sosyal ê Belediya ra eşkera beno.

Anket

Yeni sitemizi beğendiniz mi ?

Evet
Hayır
Normal